Pablo Barrera. Pressefoto
Ny sjef i Haugaland Kraft
Tysdag blei det klart at Pablo Barrera (36) frå Haugesund er tilsett som ny konsernsjef i Haugaland Kraft AS. Han tar over etter Olav Linga som i vinter offentleggjorde at han ville gå av med pensjon etter 18 år i selskapet.
Dette melder selskapet i ei pressemelding. Barrera kjem frå Yara International, der han har hatt ei rekkje internasjonale leiarstillingar, og startar i sin nye jobb 1. september.
Lang erfaring
Før han var i Yara jobba Barrera i The Boston Consulting Group. Han kjem til Haugaland Kraft frå eit internasjonal verv som administrerande direktør for IMAGINE Food Collective, eit verdikjedesamarbeid for dei største globale private aktørane innan mat og landbruk, kor han var på utlån frå Yara.
