Ny sesong med tunnelarbeid og ventetid

Den 15. juni startar Statens vegvesen for alvor med årets sesong i tunnelarbeida på E134 Haukelifjell. Det blir kolonnekøyring og trafikkregulering gjennom heile sommaren og fram til 15. oktober.

Dette er andre sesong med oppgradering av tunnelane på E134 over Haukelifjell. I år blir det arbeid i Vågslid- og Haukeli-tunnelen, i tillegg til arbeid utanfor Svandalsflona rasoverbygg.

— I fjor hadde me ein auke av trafikken på E134 Haukelifjell med ti prosent i forhold til 2019. På grunn av pandemiforskrifter med oppfordring om å feriera i Noreg, venter me minst like stor trafikk i sommar, skriv Statens vegvesen i ei melding.