Ny rettleiar for trygg cruisesegling

Cruiserettleiaren er utarbeidd i eit samarbeid mellom Sjøfartsdirektoratet, Kystverket, Sysselmeisteren på Svalbard og Hovudredningssentralen.

Den er meint for aktørar som driv eller planlegg å drive cruiseaktivitet i norske farvatn. Der får dei konkrete råd om planlegging av segling og førebygging av farlege situasjonar langs norskekysten og Svalbard.

– Cruiseaktiviteten representerer mykje positivt for næringslivet langs kysten vår. Men segling i norske farvatn kan vere krevjande både sommar og vinter, og redningsressursar kan vere langt unna. Det viktigaste vi kan gjere for å få ned risikoen for cruisetrafikken er å sørgje for god førebygging, kommenterer kystdirektør Einar Vik Arset.