Statnett har konkludert med at straum i luftlinje er er mykje rimelegare enn sjøkabel.
Illustrasjonsfoto: Statnett
Ny kraftleidning på høyring
Grunna koronapandemien og omsyn til smittevern vil ikkje NVE halda opne folkemøte som vanleg i høyringsperioden. I staden vil NVE halda opne, offentlege kontordagar med påmelding i samband med høyringa i veke 42, blant anna i Ølen og Etne.
Bakgrunnen for høyringsrunden er at Statnett har sendt inn konsesjonssøknad med konsekvensutgreiing for ein ny 420 kV kraftleidning frå Blåfalli i Kvinnherad kommune til Gismarvik i Tysvær kommune. Omsøkte leidningstraséar går gjennom Kvinnherad, Etne, Vindafjord og Tysvær kommunar.
Statnett søkjer om fleire traséalternativ på enkelte delstrekningar. Leidningen er planlagd til å vera 85-95 kilometer lang avhengig av traséval. Statnett søkjer også om å byggja og driva ein ny transformatorstasjon i Gismarvik i Tysvær, og å utvida Blåfalli koplingsstasjon i Kvinnherad.
