Seksjonen for kraftforsyningsberedskap skal blant anna ha ansvar for fysisk sikkerheit, reparasjonsberedskap og personellsikkerheit. Den skal også utvikle og følge opp krav til nye produksjonsformar som sol-, -land og havvind.
Illustrasjonsfoto: Terje Pedersen / NTB / NPK
NVE skjerpar beredskapen rundt kraftforsyning og IT-tryggleik
NVE får ein ny seksjon for digital tryggleik og ein eigen seksjon for beredskap i kraftforsyninga. Bakgrunnen er fleire truslar utanfrå.
NVE får ein ny seksjon for digital tryggleik og ein eigen seksjon for beredskap i kraftforsyninga. Bakgrunnen er fleire truslar utanfrå.
– Vi etablerer to nye seksjonar for å tilpasse oss eit endra trussel- og risikobilete, seier direktør Kristian Markegård i tilsyns- og beredskapsavdelinga.
Eigentleg er det den tidlegare beredskapsseksjonen som no blir delt i to. Då blir eit skarpare fokus sikra på utfordringane som følgjer av både digitalisering og den geopolitiske situasjonen, ifølgje NVE.
