Nær halvannan million i krisemidlar
— Frå mi side er det viktig å få ut at alle som treng støtte må følgje med i tida framover, for me kjem til å lyse denne støtta ut framover, seier Sandvik.
Pengane kjem gjennom den kommunale kompensasjonsordninga som blir finansiert av staten og fordelt av kommunane.
Fleire rundar
Etne kommune skal dele ut 941.000 kroner, mens Vindafjord skal fordele 501.000. Grunnen til at Etne har meir pengar å rutte med enn den meir folkerike nabokommunen i denne omgangen er at dei delar ut pengar dei har fått frå både runde fem og seks i ordninga.
— Kommunar får eit minimumsbeløp på 250.000. Tal på tilsette i servering, uteliv og overnatting avgjer kor store beløp ein får utover det, forklarar Sandvik om runde seks.
