Bjarte Torgrimsen har lange arbeidsdagar med å tina opp frosne vassrøyr til folk. Sist veke var det fleire husstandar i Sjoargata i Ølen som ikkje hadde vatn. I denne perioden er arbeidsdagane gjerne på 15-16 timar for røyrleggjarmeisteren.
Foto: Grethe Hopland Ravn
10 Kjappe
Nå blir det godt med ein fjelltur
Det er ein travel mann Grannar gjer eit forsøk på å intervjua, og journalisten må fint finna seg i å bli avbroten av Bjarte Torgrimsen sin kimande mobiltelefon som med jamne mellomrom jamrar i jakkelomma hans.
Og det handlar i det store og heile om folk som har fått frosne vassrøyr, og treng opptining. 35-åringen tar det heile med stoisk ro og godt humør, for denne travle perioden har ikkje vart så lenge, og over helga ventar raude plussgrader.
— Det går fint dette. Det er travelt når det står på, men klart folk må få hjelp når dei treng det, seier han. Skal han gi eit råd til folk, må det vera å ha varme på i husa.
