Bjoa skule er viktig for familien Vølstad Stople. Frå venstre: Tuva Vølstad Stople, Unn Vølstad, Luka Vølstad Stople, Ove Stople og Milian Vølstad Stople (nede framme).
FOTO: PRIVAT
Vindafjord-budsjettet
Mobiliserer mot skulenedleggingar
Torsdag blir det arrangert ein demonstrasjon utanfor rådhuset i Ølen. Unn Vølstad (33) håpar på godt oppmøte frå rundt om i Vindafjord for å slå ring rundt skuletilbodet i alle bygdene i kommunen.
— Akkurat no er det oss det gjeld, men eg fryktar at det kan vere Sandeid, Vikebygd og Vats neste gong, seier Unn Vølstad.
Demonstrasjonen kjem i lys av forslaget om å leggje ned skulen på Bjoa og barnehagen og skulen i Imsland, som først blei foreslått av kommunedirektør Yngve Folven Bergesen og sidan vedteken som del av Sp, KrF og Ap sitt budsjettforslag i formannskapet. Desse partia har fleirtal i kommunestyret med 13 representantar og inngjekk ein avtale om budsjettsamarbeid etter valet i 2023.
— Hjartet i bygda
