Haugaland og Sunnhordland tingrett
ARKIVFOTO: TORSTEIN TYSVÆR NYMOEN
Mista førarkortet for alltid
Ein mann i 50-åra frå Etne er dømd til 120 dagar fengsel, ei bot på 40.000 kroner og tap av førarkortet på livstid. Det er resultatet av fleire alvorlege brot på vegtrafikklova, inkludert ulovleg køyring, bruk av trimma mopedar og påverka tilstand.
Mannen i 50-åra har fått ein streng dom i Haugaland og Sunnhordland tingrett etter fleire grove brot på vegtrafikklova. Retten la særleg vekt på at dette er ein gjengangar som tidlegare har blitt dømd 13 gonger for liknande forhold, inkludert ulovleg køyring og promillekøyring. Mannen blei denne gongen dømd for fire tilfelle av køyring utan førerett, eitt tilfelle av køyring med trimma moped og eitt tilfelle av køyring under påverknad av THC.
Handlingane fann stad over ein lengre periode, med episodar både i 2023 og 2024. Ved fleire anledningar blei mannen stoppa i politikontroll på E134 i Vindafjord og i Etne. Under desse kontrollane blei det avdekt ulovlege kjennemerke, trimma mopedar og påverka tilstand. Retten meinte at mannen hadde handla forsettleg i alle tilfella.
17 tidlegare dommar
