Økonomisjef Cathrine G. Berge i Etne kommune får eit par millionar ekstra inn i kommuneøkonomien.
Arkivfoto: Sonja Frafjord
Millionar meir til Etne og Vindafjord
Regjeringa sitt forslag om å auke løyvingane til kommunane og fylkeskommunane gir Vindafjord og Etne kommune til saman over ti millionar kroner meir å rutte med i 2025. Det blir godt tatt imot av økonomileiarane i kommunane.
— For 2025 har me allereie lagt til grunn eit resultat på 1,8 prosent, og denne auken vil bidra positivt, slik at me kan forbetre resultatet ytterlegare, seier økonomisjef Cathrine G. Berge i Etne kommune.
Det var i utgangspunktet lagt opp til at Etne skulle få rett under 184,65 millionar i rammetilskot i 2025. Etter at regjeringa lanserte at totalpotten skal aukast, aukar summen med rett over 3,15 millionar til omlag 187,8 millionar.
Opp til kommunestyret
