Åsmund Kalstveit (f.v.), Rune Bråthen, Ingvar Johannessen og Drude Isene i Motvind Vindafjord er klare for eit nytt folkemøte i Sandied.
ARKIVFOTO: SVEIN-ERIK LARSEN
Medvind for motvind
— Eit vindkraftverk på Døldarheia vil føre til stort naturtap. Dette er eitt av dei største urørte områda på Haugalandet, seier Rune Bråthen i Motvind Vindafjord.
Gruppa arrangerer folkemøte i Sandeid samfunnshus onsdag 29. januar. Dei hadde eit liknande møte i Skjold Arena i samband med Eviny sin trekte søknad om vindkraftverk på Måkafjellet i desember.
Denne gongen er det Sunnhordland Kraftlag AS (SKL) si interesse for Døldarheia som er i fokus. Myndigheitskontakt Magne Andresen kjem for å representere SKL. Karl Andreas Knutsen frå Den Norske Turistforeining skal snakke om naturinngrep, medan Motvind-representantane Bjarne Jensen, Kaare Finbak og Eivind Salen skal snakke om ulike nedsider ved vindkraft.
