Matei (17) klar for nordisk meisterskap på Island

— Det varierer kor mange som blir tatt ut kvart år. I år er det fem stykk frå Noreg som er tatt ut og eg er ein av dei, fortel Matei.

Styrkeløft er ein konkurranseidrett som krev enorm styrke for å konkurrere på høgare nivå. Målet er å løfte tyngst mogleg. Det er ulike vektklassar og aldersgrupper. Dette er for å gjere konkurransen mest mogleg rettferdig. Matei tar del i klasse 83 og konkurrerer mot folk på sin eigen alder.

— Eg var i 74 klassen, men måtte rykke opp til 83. I min klasse er det to stykk frå Noreg som skal konkurrere, seier Matei.