Frå januar neste år er det slutt på at Toraneset Miljøpark lagar kompostjord av matavfall og slam. Avfallet skal til slutt ende opp i produksjon av biogass i Danmark. Gry Dahle Lie (t.v.), informasjons- og fagsystemkonsulent i HIM, og leiar for kvalitet og tenesteutvikling, Veslemøy Eriksen, synest det er synd at dei ikkje lenger skal lage det lokale produktet kompostjord på grunn av endra krav.Foto: Jon EdvardsenBilde 1 av 3
Her kan HIM sine kundar levere hageavfall gratis inntil 5 kubikk når det ikkje lenger er lov å hive det i matdunken, opplyser Gry Dahle Lie.
Kvalitetsleiar Veslemøy Eriksen hos HIM seier dei får betre logistikk ved å tredoble løyvet til mellomlagring av farleg avfall; opp til 300 tonn til ei kvar tid. Ho ventar ikkje auka trafikk av den grunn.Arkivfoto: Jon EdvardsenBilde 3 av 3
At matavfallet skal bli til gass og ikkje til kompostjord etter nyttår, er ein konsekvens av at Fylkesmannen i Rogaland bestemte at Toraneset Miljøpark i Skjold må byggje komposteringa om til eit lukka anlegg, og det vil ikkje HIM, av fleire grunnar.
HIM tok saka vidare, men Miljødirektoratet var av same oppfatning som Fylkesmannen. Det resulterte i at renovasjonsselskapet sette matavfallet ut på anbod.
