Sigmund Lier og Torstein Nymoen har store ambisjonar for Yrkesmessa 2025.
FOTO: Sarah Elise Falkeid
Tysvær
– Mange finn sin karriereveg her
Yrkesmessa i Tysvær arena blir av bedrifter omtalt som ei av dei beste i landet. I år blir ho større enn nokon gong.
– Det er me stolte av, seier dagleg leiar i Haugaland Vekst, Sigmund Lier.
Det er Haugaland Vekst som har regien når Yrkesmessa blir arrangert i Tysvær arena 23. og 24. september i år. Då kjem 10.-klassingar og vg1-elevar frå åtte kommunar på Haugalandet for å søkja inspirasjon og rettleiing til yrkesvalet sitt.
I fjor besøkte 2.500 elevar messa, ungdommar frå Tysvær, Vindafjord, Etne, Bokn, Sveio, Haugesund, Karmøy og Utsira. Mange hadde med seg foreldre, slik at det reelle besøkstalet er over 4.000.
