Må skjerpe tryggleiken for tilsette ved legevakta

Vindafjord kommune har fått varsel om pålegg frå Arbeidstilsynet etter eit tilsyn ved Etne og Vindafjord legevakt. Tilsynet, som vart gjennomført 21. januar i år, avdekte manglar knytt til førebygging av vald, truslar og uheldige belastningar for dei tilsette. I varselet, som Grannar har fått innsyn i, får kommunen også pålegg om å styrkje samarbeidet med bedriftshelsetenesta.

Manglar i risikovurdering og tiltak

Arbeidstilsynet peikar på at legevakta har tiltak på plass for å handtere situasjonar med vald og truslar, men at desse ikkje oppfyller lovkrava. Det manglar ei heilskapleg kartlegging og risikovurdering av slike hendingar, og kommunen er difor pålagt å forbetre dette innan 23. mai 2025.