Det klirrar i strikkepinnar i Spira-butikken. Det luktar kaffi og drøsen går. Nettopp slik ønskjer dei å ha det, og torsdag blir det strikkekafé for alle som vil vera med. F.v: Anne Grete Johanson, Hege Garvik Arefjord, Marita Sævareid, Trine Lise Salmo, Abita Tautkuviene, Tone Gullahug og Tone Elisabeth Vae.
Grethe Hopland Ravn
Ny møteplass - ta med strikkepinnane
Første torsdagen i kvar månad inviterer
Spira-butikken til strikkekafé. Dørene opnar på føremiddagen og det blir diska opp
med både kaffi og heimebakte kakestykke for dei som vil ha det. Her blir det inga
påmelding, inga liste og inga fast ramme – berre strikkekafé, og god drøs for
alle som vil.
— Målet er å skapa ein ny møteplass, der me både
kan ha det hyggeleg i lag, men også få gode tips til strikkinga frå kvarandre.
Me kan læra mykje av kvarandre, seier Hege Garvik Arefjord.
Ho understrekar at dette ikkje berre er for dei
mest ivrige strikkarane. Ein kan ta med eige handarbeid, starta på noko nytt –
eller leggja strikketøyet heima og berre koma for det sosiale.
