Lysare utsikter i bustadmarknaden

Etter å ha jobba som tømrar i ti år, følte Ellef Kvalvågnes tida var moden for å prøve noko nytt. I mai begynte han i jobb som husseljar i Berge Sag AS. Det er i ei ny stilling ved hovudkontoret i Ølensvåg som skal arbeida mot bustadmarknaden på det indre Haugalandet.

— Då denne sjansen kom, ønskte eg å ta eit nytt steg. Det var ganske spennande, og så er det nærme heime, seier seljaren, som til vanleg bur i Etne.

Kvalvågnes og kollegaane i vågsbedrifta har veldig tru på bustadmarknaden i tida framover.