Jan Idar Haugen (Sp) i Vindafjord Sp sikrar fleirtal for nedlegging av skulene i Imsland og på Bjoa.
FOTO: SVEIN-ERIK LARSEN
Vindafjord-budsjettet
Legg ned to skular i Vindafjord
Det politiske fleirtalet i Sp, Ap og KrF går inn for å leggje ned skulen på Bjoa og barnehagen og skulen i Imsland i sitt felles budsjett. Avgjerda smertar gruppeleiar Jan Idar Haugen og Sp, men han opplever at kommuneøkonomien ikkje strekk til.
— Å leggje ned skulen i ei bygd er veldig dramatisk. Det er mykje kjensler i slike saker, og det er ingen tvil om at det er ekstra krevjande for oss i Sp å gå inn for skulenedleggingar, seier gruppeleiar Jan Idar Haugen i Sp.
Saman med Ap og KrF har Sp fleirtal i kommunestyret. Partia inngjekk ein samarbeidsavtale om felles budsjett etter valet i 2023. Nedlegginga av Imsland oppvekstsenter og skuledelen av Bjoa oppvekstsenter var med i kommunedirektør Yngve Folven Bergesen sitt budsjettforslag.
Etter vedtak i formannskapet tysdag skal budsjettet for 2025 og økonomiplanen for 2025–2028 ut på høyring. Endeleg vedtak blir gjort i kommunestyret 17. desember.
