Robert Stråbø Melkeraaen i Åkrafjorden Nature B&B og leiar for app-teamet i Omega Design, Bente Bakke, lanserer Noregs første app for Via Ferrata.
FOTO: OMEGA DESIGN AS
Lanserer ny klatre-app
Via Ferrata-løypene i Åkrafjorden har fått sin eigen og lokalt utvikla app. Dei som står bak håpar å utvide marknaden for produkta sine.
I appen, som er utvikla av Omeda Design i Ølensvåg, får du god oversikt over dei to Via Ferrata-løypene som Åkrafjorden Nature B&B tilbyr i Åkrafiorden.
I appen kan du, ifølgje ei pressemelding, finne informasjon om kor krevjande løypene er, kven klatrerutene passar for, tryggleikstips og kva ein må tenkje på om ein planlegg ein tur i veggen. Ein kan også ta ein virtuell tur i den eine veggen i appen.
Via ferrata går ut på at eit fjell blir utstyrt med faste sikringsmidlar som stålwire, bøylar, stigar og bruer. Dette blir nytta for å klatre i fjellet på ein mest mogleg sikker og føreseieleg måte, utan at ein treng spesiell klatrekunnskap eller erfaring.
