Lagar komedie om sauebonde
I juni startar innspelinga av manusforfattar og regissør Daniel Deniazi (26) frå Sveio sin komedie om den einsame sauebonden Olav. For å finna den perfekte lokasjon måtte filmteamet til Etne.
Å finna ein passande innspelingsstad til ein film er ikkje alltid like lett, men då manusforfattar og regissør Daniel Deniazi starta søket etter ein gamal bondegard som kunne passa til dramakomedien om sauebonden Olav, fall brikkene på plass då han kom til garden Hammaren i Etne. Etter eit raskt blikk på det gamle huset på garden og den flotte utsikta over fjellheimen var valet klart.
— Dette var akkurat slik eg hadde tenkt det. Her kan me skyta scenar både inne og ute, og her kan Olav sitja og kikka ut kjøkenglaset og passa på sauene, seier Deniazi begeistra og ser seg rundt på området.
— Dette blir perfekt, konstaterer han.
