Kystverket med pengar til effektive og miljøvennlege hamner

Kystverket lyser no ut midlar gjennom tilskotsordninga for effektive og miljøvennlege hamner, med søknadsfrist 15. januar 2024.

Tilskotsordninga skal bidra til å effektivisere logistikkjeda gjennom tiltak som gir ein meir effektiv infrastruktur og logistikk i hamnene.

– I denne utlysinga tek vi atterhald om at ho skjer på bakgrunn av regjeringsforslaget til statsbudsjett for 2024. Vi må derfor vente til Stortinget har behandla budsjettet før vi kan gi tilsegn om tilskot. I forslaget til statsbudsjett er det sett av 123,95 millionar kroner til ordninga, opplyser seniorrådgivar Øyvind Sandbakk i Kystverket i ei pressemelding.