Kultur og idrett får ein liten kompensasjon
Måndag sist veke blei Regjeringa si tildeling av midlar frå krisepakke til frivillige lag og organisasjonar offentleggjort, og ti heldige mottakarar frå Etne og Vindafjord fekk i overkant av 990.000 kroner til saman.
Etne idrettslag var ein av dei, og mottok 78.925 kroner for turnfesten for vaksne som skulle gått av stabelen i vår. I tillegg fekk dei 19.600 kroner for arrangementet Over Fikse, som også blei avlyst.
Monica Grindheim er nestleiar i Etne idrettslag, og ho er svært fornøgd med tildelinga. I september fekk Etne idrettslag også tildelt 859.880 kroner i kompensasjon for den avlyste Etne Cup, så økonomisk ser framtida til idrettslaget ikkje så mørk ut.
