Leah Stensland (f.v.), Andreas Skjærpe, Oskar Nordbø og Line Riskedal i Cleansoap stakk av med 1. plassen i innovasjonscampen på Lundeneset VGS.
Foto: Svein-Erik Larsen
Kreativitet for framtida
Denne veka har dei 180 elevane på Lundeneset vidaregåande skule (VGS) fått prøvd seg på å komme med idear for å skape berekraftig utvikling. Gruppa Cleansoap gjekk til topps med sine såpeprodukt.
— Dette er ein kjekk gjeng å vinne saman med, seier Leah Stensland etter at ho Andreas Skjærpe, Oskar Nordbø og Line Riskedal har fått vinnardiploma sine.
Mindre plastavfall
Produkta til Cleansoap var såpe, deodorant, vaskemiddel og liknande med formål å redusere mengda plast i havet. Konseptet er å ha produkta i pulverform i nedbrytbar emballasje, slik at kundane sjølv kan blande såpepulveret med vatn i ein gjenbrukbar behaldar.
