Slik såg det ut på E134 ved Midtlæger på Haukelifjell onsdag morgon.
FOTO: STATENS VEGVESEN/WEBCAM
Kolonnekøyring på E134 Haukelifjell
E134 Haukelifjell var onsdag morgon stengt grunna uvêr. På E39 gir den sterke vinden framleis utfordringar på Boknafjorden.
Vêret gir stadig utfordringar for trafikken.
Like over klokka 8 oppdaterer Vegvesenet med at det nå er kolonnekøyring over E 134 Haukelifjell. Den rekna sluttida er like over klokka 8 torsdag morgon. Fjellovergangen var stengt tidlegare på morgonen.
Rett over klokka 9 opplyser Vegrafikksentralen vest på X at Sandsfjordbrua over Sandsfjorden i Suldal kommune nå er open for fri ferdsel. Sentralen understrekar at det framleis er kraftige vindkast og oppmodar folk til å køyre forsiktig. Brua var stengt gjennom natta og tidleg onsdag morgon.
