Klart for tradisjonell bondemarknad

— Me arrangerer for at landbruket skal få visa seg fram. Det er bøndene som bak og som får visa ansikt, seier leiar for arrangøren Vindafjordbonden, Eivind Lien frå Ølen og inviterer til ein dag fylt med aktivitetar for store og små, sal av produkt frå lokale bønder, besøk av levande dyr og utstilling av landbruksutstyr.

Tradisjonen tru blir det også i år kappestrid mellom bønder, og for dei minste blir det høve til å ta seg ein liten ridetur, helsa på dyra i hønsegarden, kosa med kaninane, prøva seg på ulike leikar frå gamle dagar eller hoppa i høyet.

— Me har ulike aktivitetar for barn som ridning og gamaldagse leikar, og me har sett ut rundballar slik at dei kan hoppa i høyet, seier Lien.