Formannsapet vedtok at rådmannen må bruke meir tid på dialog og informasjon med bygdene, og at det ikkje er mogleg med tidsplanen han la opp til. Frå venstre fungerande ordførar Tove Elise Olsen Madland (Ap), Solveig Hortman (Sp), Modolf Haraldsied (H), Jan Idar Haugen (Sp) og Mats Årvik (Frp). Med ryggen til Therese Nesheim (H) og Nina Ramsvik (Sp).
Foto: Jon Edvardsen
Kjøper seg tid i skulesaka
Heile fomannskapet i Vindafjord stilte seg i dag bak eit forslag om at rådmannen må bruke meir tid på å involvere bygdene før det er aktuelt å vedta endringar for skule og barnehage.
Utan tvil er det ei nøtt for politikarane i Vindafjord kva som skal skje vidare etter at Norconsult på oppdrag frå kommunen, presenterte ein plan som konkluderer med at seks skular og fire barnehagar må på historias skraphaug. Rådmann Yngve Folven Bergesen har tidlegare lagt opp eit tidsløp der eventuelle endringar kan pynte på budsjettet for 2021.
Ikkje før jul
Men å vedta noko før jul, vart det sett ein stoppar for etter at fungerande ordførar Tove Elise Olsen Madland (Ap) plasserte skulesaka på sakskartet i formannskapet med mål om å få fleirtal for å be rådmannen til å bruke meir tid.
