Kjendisklem i rekordheit hage
Eitt år, éin dag og 22,7 gradar etter at det vart sett norsk varmerekord i hagen til Lars Kjetil Flesland i Etne, banka heile Norges vêrdronning Eli Kari Gjengedal på døra hans.
Det er lite det blir snakka så mykje om i Noreg som vêret. Og i Etne minnast mange dei heite dagane på tampen av mai månad i fjor. Då ungdommane kasta seg fjorden frå flytebrygga i Etnesjøen, og ordførar Siri Klokkerstuen bytta ut jakke med sommarkjole og delte ut gratis is til alle barn i barnehagen.
Og Lars Kjetil Flesland (60) vart lokal vêrkjendis.
For det er i hagen til landbruksrådgjevaren at vêrmålaren kor den offisielt godkjende temperaturrekorden for mai månad, står plassert.
