Knut Ole Matre saman med Jonas Haugen (på traktoren), Gaute Øvernes og Emma Mæland Voie.
Foto: Irene Mæland Haraldsen
Jublar over flott gåve
Det var stor glede og mange breie smil å spora blant ungane i Enge barnehage då bondelaget i Etne dukka opp med to flunkande nye trøtraktorar i gåve.
Barnehageungane hadde venta spent på kva som skulle skje denne dagen, og lite visste dei at nye leiker var på veg då bondelaget i Etne dukka opp. Gleda var stor då dei oppdaga at to trøtraktorar og ein tilhengjar blei trill inn på leikeplassen. Nysgjerrige stilte dei seg i kø for å testa ut dei nye leikene, og ein etter ein fekk dei seg ein liten prøverunde på asfalten inne i barnehagen. At gåvene fall i smak var det ingen tvil om.
— Dei er veldig fine. Massey og John Deere er best, seier 5 år gamle Jonas Haugen etter å ha fått seg ein prøvetur.
— Men Massey er best, skyt 5 år gamle Olav Riaunet Kringlebotten bestemt inn.
