Bibliotekleiar Gjertrud Fludal ved Etne bibliotek håpar på auka leselyst i sommar.
Foto: Irene Mæland Haraldsen
Inviterer til lesefest for vaksne
I løpet av sommaren og hausten kan alle som likar å lesa bli med i Etne bibliotek sin eigen lesekampanje Etneles der ein kan samla poeng og delta i loddtrekning av flotte premiar.
Den digitale lesekampanjen Sommarles for 1. til 7. klasse er blitt ein suksess som lokkar leselystne barn og unge til bokhyllene kvar sommar. Nå har biblioteket i Etne fått sin eigen lokale variant av den populære lesekampanjen, denne gongen med eit litt eldre publikum i tankane.
— Det er eit forsøk på Sommarles for vaksne. Eg testa det ut i fjor og det har vore etterspurnad etter å ha noko liknande i år. Rundt 10 personar deltok i fjor. Det gav meirsmak, seier bibliotekleiar Gjertrud Fludal ved Etne bibliotek og inviterer til Etneles i perioden 27. juni til 15. oktober.
Leselyst
