På Etne kommune sine heimesider blir det opplyst at Vestland fylkeskommune riggar til opne regionale dialogmøte om ny utviklingsplan. Her vil dei ha innspel frå innbyggjarane. Fylkesordførar Jon Askeland vil leia møta som går av stabelen på Stord, i Bergen og i Førde.
Inviterer til å påverka samfunnsutviklinga
På Etne kommune sine heimesider blir det opplyst at ein no kan vera med å påverke vegvala for å styrka Vestland for framtida. Fylkeskommunen inviterer derfor til tre opne dialogmøte om utviklingsplan for Vestland. Første møte har allereie funne stad, og gjekk av stabelen på Stord 16. januar. Neste dialogmøte blir på Førde vidaregåande skule 23. januar og den 25. januar blir det på Vestlandshuset i Bergen, og fylkeskommunen ønskjer at folk i heile fylket skal komma med innspel til arbeidet. Mellom anna lurer dei på om det har skjedd fundamentale endringar i utfordringsbildet og utviklingstrekka som er viktige å ta med i den nye utviklingsplanen.
Program for møta
Føremålet med møta er å få fram ny kunnskap og innblikk i utfordringar i ulike deler av fylket som rører ved Vestland fylkeskommune si rolle som tenesteleverandør og samfunnsutviklar.
