Vindafjord-budsjettet
Inviterer alle til budsjettsamarbeid
— Eg sender ein invitasjon til alle partia, sa ordførar Ole Johan Vierdal (Sp).
Etter valet i 2023 inngjekk Sp, KrF og Ap ein avtale om budsjettsamarbeid. Desse har fleirtal i kommunestyret saman. Tysdag oppmoda Vierdal alle partia til, om det er ønskjeleg, å gå i dialog om eit potensielt fleirtalsbudsjett.
Annonse
Invitasjonen kom etter ein lengre debatt om kommunedirektør Yngve Folven Bergesen sitt forslag til budsjett for 2025 og økonomiplan for 2025–2028. Forslaget inneheld fleire tøffe kutt, blant anna å leggje ned skule og barnehage i Imsland og skule på Bjoa. Partia har uttrykt ulike synspunkt i viktige saker som nedleggingsspørsmålet, så tida vil vise om det er mogleg å kome til ei felles semje.
