Publikum fekk god orientering om kuttforslaga som må til for å få kostnaden på Vindafjordhallen ned.
Foto: Irene Mæland Haraldsen
Intens jakt etter kostnadskutt
Arbeider med innsparing, dugnadsarbeid og pengeinnsamling for den nye Vindafjordhallen er i full sving. Både bygdefolk og styret i Vindafjordhallen SA brettar opp ermane og trør til for nybygget.
Vindafjordhallen er snart klar for gjenoppbygging, men framleis rår det kamp om finansane. Under formannskapsmøtet i Vindafjord kommune nyleg la kommunedirektøren fram forslag om kostnadsreduksjon knytt til areal, sambruk og val av materiale på 15 millionar eks. moms. Samstundes føreslo formannskapet å henta ytterlegare 20 millionar hovudsakleg på bygdehusdelen gjennom mellom anna gåver og dugnad.
Skuffelsen var stor blant både bygdefolk og styret i Vindafjordhallen SA då forslaget blei kjent og arbeidet med å finna ei løysing måtte setjast i verk. Men alt etter få dagar var fleire forslag om kostnadsreduksjon komen på bordet og torsdag kunne styret i Vindafjordhallen SA presentera eit utkast, som så langt viser ei innsparing på minst 15 millionar kroner, for vindafjordingane under eit informasjonsmøte på Vats skule.
Arealreduksjon
