Egil Larsen er innsett som sokneprest i Skånevik. Her blir han nok verande til han går av med pensjon.
Innsett som sokneprest
Etter eit par år som fungerande sokneprest i Skånevik, blei Egil Larsen formelt innsett som sokneprest under gudstenesta søndag. Han overtar dermed etter Stein Ove Skadal som slutta i 2019.
Egil Larsen er busett i Trovågfeltet i Vikebygd, og pendlar til Skånevik på jobb. Søndag blei han innsett som sokneprest ved at tilsetjingsbrevet hans blei lest opp, og prosten leia forbønshandlinga under gudstenesta.
Prest i 40 år
Rett over nyttår er det 40 år sidan 65 år gale Larsen blei ordinert til prest, og i løpet av desse åra har han jobba både som vikarprest i Stavanger, områdeprest i Madla leir, vikarprest i Stavanger bispedøme, han har jobba eitt år i Det norske misjonsselskap, før han blei innsett som sokneprest i Odda, og blei der i ti år.
