Innfører nye rabattar for Skyss-passasjerar

— Dei siste åra har det vore ei endring i reisevanane våre. Mange har varierande kvardagar, og reiser ikkje så ofte at det lønner seg med periodebillett. For å prøve å møte desse behova og å gjere det enklare å la bilen stå, kjem det no ei rabattordning også for dei som reiser av og til, opplyser Skyss i ei pressemelding.

Gode tilbakemeldingar

Reiserabatt har vore gjennom ei prøveordning med 1000 reisande i sone A i Vestland fylke, då under namnet fleksibel billett. Etter svært gode tilbakemeldingar frå testpanelet har fylkestinget vedteke å innføre reiserabatt, i tillegg til å utvide tilbodet til å gjelde alle soner.