Ingen teikn på at smitten gir seg
Smitten av covid-19 held seg stabil høg på landsbasis, og i Vindafjord og Etne kommune har dei siste vekene bydd på høge smittetal. Etne sjukeheim har hatt utbrot og onsdag kom det melding om mogeleg smitte ved Enge skule i Etne. Også elevar i Vindafjord er mistenkt smitta.
Onsdag kom det nye oppdaterte tal på covid-19 smitte i Vindafjord som viser 11 nye tilfelle. Sist veke var det samla talet på registrert smitte i kommunen 37, og i løpet av november er til saman 149 tilfelle bekrefta. Til saman er 369 registrert smitta i Vindafjord sidan pandemien starta. I tillegg til dei siste bekrefta tilfella var der onsdag også registrert 9 hurtigtestar som viser positive utslag og 12 testar ligg inne i påvente av bekreftande svar.
— Talet er stabilt moderat høgt. Det er ein del tilfeldig smitte, men nokre er nærkontaktar. Det er smitte i mange av bygdene og me har eit par positive hurtigtestar på elevar, opplyser kommuneoverlege Terje Kleiven.
Opp i Etne
