Kongebesøket
Imponerte med musikk, marsj og drill
Hans Majestet Kongens Garde med drilltropp hadde oppvisning på stadion i Ølen etter at kongeparet hadde reist. Det blei ei fryd for både syn og høyrsel.
Det var jammen ikkje mykje å kicka på då Hans Majestet Kongens Garde med drilltropp hadde oppvisning på grasmatta på SR-Bank stadion onsdag.
På kunstgras
Annonse
Det måtte eventuelt berre vore eit aldri så lite ønske om at grasmatta hadde vore bytta ut med eit hardt underlag, slik at ein skikkeleg kunne høyra dei taktfaste stega til dei staute gardistane.
For ei oppvisning og for ei framføring! Det var musikarar som spelte marsj etter marsj, mens dei marsjerte på kryss og tvers over banen. Alt sjølvsagt nøye planlagt og perfeksjonert til fingerspissane. Drilltroppen likeså.
Stort publium
Det er ikkje tvil om at dei mange hundre publikum som hadde tatt turen opp til stadion for å sjekka ut Hans Majestet Kongens Garde med drilltropp, fekk igjen for turen. Det som er svært imponerande er at dei fleste av gardistane ikkje har vore med i troppen lenger enn sidan september i fjor. Det ligg definitivt mykje hardtrening bak prestasjonen på stadion onsdag.
