— Ikkje gløym vernebrille på nyttårsaftan

I 2008 blei forbodet mot pinnerakettar innført i Noreg, noko som har ført til at talet på skadar som følgje av fyrverkeri har gått monaleg ned. Likevel får årleg 15 personar i snitt augeskadar grunna fyrverkeri.

Av dei ti som blei skada ved inngangen til 2021, var tre av ti alvorleg skada, og dei øvrige sju var moderat alvorlege, ifølgje Haukeland Universitetssjukehus. Felles for dei som har pådratt seg augeskadar ved bruk av fyrverkeri dei siste åra er at ingen har brukt vernebriller.

— Me har i ei årrekkje oppfordra publikum til å bruka vernebriller ved oppskyting av fyrverkeri nyttårsaftan. At nokon likevel vel å gambla med synet sitt er vanskeleg å forstå, seier Rolf Søtorp, administrerande direktør i Norsk brannvernforening, i ei pressemelding.