I gang med nytt Omega-bygg

— Bygget blir på over 1.800 kvadratmeter. Me sit litt for trongt slik me har det no i hovudbygget. Det er på 3.000 kvadratmeter, men me har dei siste åra vakse enormt og skal vekse endå meir, seier Anders Lunde i Omega 365 Property til Medvind24.

Han fortel at det nye bygget ikkje blir heilt fullt når det står ferdig, men at dei ikkje er langt unna.

Omega 365 driv innan forretningsområda programvareløysingar, prosjektpersonell, IT-konsulentar, ingeniør- og arkitekttenester, subsea-tenester, og design og kommunikasjon. I høve til økonomisk rapportering har dei delt desse i tre sektorar: programvare, konsulenttenester og subsea. Omega 365 Gruppen leverte 3,2 milliardar kroner i salsinntekter i 2023.