Akademikerne streikar utanfor Landbruksdepartementet etter at meklinga med staten ikkje førte fram. Streiken blir rappa opp måndag.
Foto: Gorm Kallestad / NTB / NPK
I dag blir streiken trappa opp – over 3500 legg ned arbeidet
Over 3500 statstilsette vil frå måndag vere i streik. Det rammar mellom anna politiet, studentar og dei som skal på ferie.
Fredag gjekk 1251 medlemmer i Akademikerne og Unio ut i streik etter at meklinga med staten ikkje førte fram. Måndag blir streiken trappa opp.
Ei rekke etatar og verksemder blir omfatta, og blant delane av staten som blir hardast ramma, er justissektoren, skriv Dagens Næringsliv.
– Det vil ramme pass, etterforsking og førebyggjande i politiet, seier leiar Unn Alma Skatvold i Politiets Fellesforbund.
