Medan fjoråret gav svake avlingar, har årets førsteslått vore blant dei gode.Illustrasjonsfoto
Hundre millionar til bønder i Rogaland og Hordaland
Over 1,9 milliardar kroner er så langt betalt ut, og summen vil truleg passera to milliardar i erstatning til bønder etter fjorårets tørkesommar.
Lange periodar utan regn og rikeleg med varme gjekk hardt ut over avlingane til norske bønder i fjor. Når 97,6 prosent av erstatningssøknadene er ferdigbehandla, er det betalt ut vel 1,97 milliardar kroner.
Nesten 15.000 bønder har søkt om erstatning etter avlingssvikt i 2018. Søknadane og summane viser at Austlandet var hardast ramma av tørken. I Oppland har nesten 3.000 bønder søkt om erstatning.
Også Vestlandet hadde ein lang sommar utan mykje nedbør, kombinert med høge temperaturar. I Rogalande har 855 bønder fått utbetalt nesten 76 millionar i erstatning. 333 hordabønder får vel 25 millionar i erstatning.
