Bildeserie
Høgtideleg prestevigsling
Eli Kolstad og Elisabeth Vatland Fauskanger vart vigsla til presteyrket i Skjold kyrkje søndag. Dei har begge tatt utdanninga eit godt stykke inne i vaksenlivet. Dei er i praksis eit prov på kor aktivt den norske kyrkja jobbar med å få bukt med prestemangelen.
Eli Kolstad viderutdanna seg frå å vera kateket. Elisabeth Vatland Fauskanger fekk godkjent ein bachelor for lang erfaring i kyrkjeleg arbeid, og studerte deretter ved menighetsfakultetet for ein mastergrad i teologi.
Den siste tida av masterstudia var både Fauskanger og Kolstad jamleg innom som prestevikar i kyrkjene kor dei no skal tena. For Fauskanger er det Skjold, Vats og Vikebygd, og for Kostad er det Imsland, Sandeid og Vikedal.
— Det er ingen tvil om at dette er ein stor dag, seier Eli Kolstad.
