Bjørn Alvseike (f.v.) og Johnny Vik står i spissen for Ølen IL sitt ope klubbhus-konsept. Idrettslaget har nå investert i ein buss for å bidra til at alle kan vere med på bortekampar.
Arkivfoto: Svein-Erik Larsen
Tettare på
Hjelp til å få endane til å møtast
Dyrtid med auka renter og prisar gjer at fleire er blitt meir forsiktige i forbruket eller spør om økonomisk hjelp. Idrettslaga i Etne og Vindafjord kommune gjer sitt for at alle barn kan vere med, også i krevjande tider.
— Det er heilt sentralt for oss at ingen blir hindra i å delta grunna økonomi. Flest mogleg, lengst mogleg er mottoet vårt. Det å vere ein del av eit slikt godt fellesskap som eit idrettslag kan vere, trur me er svært viktig for å få til eit godt og trygt oppvekstmiljø, seier leiar Johnny Vik i Ølen IL.
For å avgrense kostnadane til familiar med fleire barn har dei ein familiekontingent som set eit tak på prisen familiar betalar, uavhengig av storleik. Leiarar i idrettslaga SK-Vats 94, Vikebygd IL, Bjoa IL, Vindafjord IL, Skjoldar IL, Skånevik IL, Vindafjord Orientering og Etne Kyokushin karate klubb fortel at dei også har slike ordningar.
Sponsar dei som ikkje har råd
