Heidra søskenbarnet sin kunst
Det var ein storfornøgd Lars Eikeland som deltok på opninga av Ragnvald Eikeland sin jubileumsutstilling. Han håpar utstillinga kan sørgje for at kjennskapen til søskenbarnet sine måleri lev vidare.
— Det er verkeleg ei oppleving at det blei laga ei minneutstilling for Rangvald, beskriv Lars Eikeland stolt. Han var ein av 74 gjestar som tok turen til Haugesund bildegalleri på den regnfulle fredagskvelden.
Kometkarriere
I år er det 100 år sidan Ragnvald Eikeland blei fødd. Han vaks opp på heimegarden i Øvre Vats saman med tre søsken. Han viste tidleg interesse for kunst, og debuterte som målar rundt 1936 på amatørutstillinga i Haugesund.