Heidra med høgaste 4H-utmerking

Etter ei travel 4H-veke med øvinger på kveldsprogram og underholdning kunne medlemmene i 4H invitera til haustfest. Det blei ein fin kveld med god mat og loddsal i eit nyoppussa flott bygdahus, som var nymalt for anledninga.

Konferansierane Sigve Reimers Holten Leifsen og Isak Staurland Kvamme fra 9. klasse loste publikum vel gjennom kvelden frå scena og heldt tråden i programmet. Mange av medlemmene deltok i underhaldninga med vitser og sketsjer som dei hadde laga sjølv.

På programmet stod også ein kalvalkade over 4H medlemmene og prosjekta deira, og alle møter Falken 4H hadde hatt gjennom året. Her fekk publikum høyra om mange kjekke treff med både overnatting i 4H gammen ved Kyrkjehølen, tur til Ulvavoll, kanomøte i Fjellgardane, aking og grilling i hoppbakken på Låket, tur til Rush og bowlingkveld i Haugesund. Fellestur med Solstråle 4H Sandeid til Stokkadalsvatnet blei det også i år, og nokre av medlemmene har deltatt på styrevervkurs og storkurs.