HBR: Etne kommune kan overta ansvaret
Dei 18 brannmennene frå Etne og Skånevik som har sagt opp stillingane sine i Haugaland brann og redning (HBR), kjem ikkje til å trekka oppseiingane. Ei løysing kan vera at Etne kommune overtek arbeidsgjevaransvaret.
Måndag denne veka hadde representantskapet i HBR møte, og tema var kontinuitetsplanen for beredskapen i Etne kommune. Det er ordførarane i eigarkommunane som utgjer representantskapet, og dei kom fram til følgjande vedtak; Førebyggjande arbeid og beredskapsansvar blir oppretthalde i selskapet sitt geografiske ansvarsområde. I høve selskapet sine vedtekter skal det kallast inn til eit ekstraordinært representantskapsmøte i mars, og leiinga i selskapet legg fram forslag til ei permanent løysing for framtidig ressursutnytting for å sikra beredskap samt eventuelle budsjettkonsekvensar for selskapet.»
— Dette er ei stadfesting av at HBR må halda beredskapen uavhengig av kven som tilset eller ikkje. Det som ligg i kontinuitetsplanen er kasernering i Skånevik og at Etne og Vindafjord skal sjåast under eitt. Dette vil kosta! Berre kaserneringa i Skånevik åleine kan ha ein prislapp på 15-20 millionar kroner i året. Og det blir ei betydeleg større utgift for selskapet, som eigarkommunane må betala, seier ordførar i Etne, Mette Heidi Bergsvåg Ekrheim (Sp).
Urealistisk med 18 nye
