Konsernsjef Stig Hatteland. ARKIVFOTO
Hatteland-konsernet gjekk 250 millionar i minus
Etterverknader av korona, energikrise, krig og prisvekst er blant årsakene til at årsrekneskapen for 2022 enda med underskot, ifølgje konsernsjefen.
— Det ser verre ut enn det eigentleg er. Ein kan eigentleg spørje seg om det er resultatet i fjor som er dårleg, eller om det var året før som var ekstra bra, seier Stig Hatteland, konsernsjef i Jakob Hatteland Holding AS, til Grannar.
Medan 2022-rekneskapen gjekk 250 millionar kroner i minus, viste tala frå 2021 eit overskot på vel éin milliard kroner. Det var i 2021 Autostore gjekk på børsen. Hatteland er det svingingane generelt i aksjeverdiane på børsen som utgjer dei store svingingane i årsresultatet.
— Resultatet for 2022 er prega av ein reduksjon i aksjeverdiane ved årsskiftet. Og her er det enkelte aksjar som påverkar meir enn andre. Status så langt i år viser at dette har teke seg inn igjen, seier Hatteland.
Han seier dei er heldige og står i ein situasjon der likviditeten er god.
