Fastlegeheimlane i Vikedal blir flytta

Det opplyser Vindafjord kommune på nettsida si fredag.

Vindafjord kommune har over lengre tid arbeidd med å rekruttere fastlegar til Vikedal legekontor, utan å lukkast. Situasjonen har vore oppe til politisk handsaming, og i oktober 2025 vedtok kommunestyret ei løysing dersom rekrutteringsarbeidet ikkje førte fram.

I vedtaket heiter det at kommunedirektøren skulle halde fram med utlysing og rekruttering ved legekontoret i Vikedal. Samstundes fekk kommunedirektøren fullmakt til å overføre legeheimlane til Ølen legekontor dersom ein ikkje hadde klart å tilsette legar i begge heimlane innan 1. februar 2026.