Halvparten av norske barn brukar pengar i dataspel

Ein ny studie utført av Ipsos for Blå Kors avslører urovekkjande trendar i barn og unge sitt forhold til pengebruk i dataspel.

Undersøkinga viser at halvparten av barn og unge mellom 8 og 19 år har brukt pengar på kjøp i dataspel det siste året, skriv Blå Kors i ei pressemelding.

8 prosent av dei unge meiner at gaming har gjort dei meir interesserte i pengespel. Undersøkinga avdekkjer òg at mange unge blir påverka av sosiale medium og vener når det gjeld kjøp i spel. 4 av 10 seier at vener sine kjøp påverkar dei til å gjere det same.