Elisabeth Lie Nilsen, leiar NAV marknad Nord-Rogaland, konstaterer at arbeidsmarknaden i regionen er i ei positiv utvikling.Pressefoto
Gunstig arbeidsmarknad
Sjef for NAV Marknad Nord-Rogaland, Elisabeth Lie Nilsen konstaterer at det er lenge sidan regionen har hatt så låge tal på arbeidslause som nå. Trenden er framleis nedgang, i tillegg til god auke i ledige stillingar.
Ein stabil og god arbeidsmarknad og aukande rekrutteringsproblem, er nokre av signala NAV sender ut ved inngangen til november. Både Vindafjord og Etne kommune har små endringar i talet på arbeidslause den siste månaden, medan dei er lågare enn for eitt år sidan, spesielt i Vindafjord.
I Etne kommune er det nå 38 heilt ledige, noko som utgjer 1,8 prosent av dei sysselsette, medan Vindafjord har 71 personar heilt utan arbeid. Det svarer til 1,5 prosent, som er langt unna fylket på 2,2 prosent.
Elisabeth Lie Nilsen, leiar for NAV Marknad Nord-Rogaland opplyser at tala er i ferd med å bli rekordlåge i regionen.
