Rådgjevar Axel Krüger (t.v.) og fagleiar for vatn og avløp i Etne kommune, Eirik Molland slår fast at vasskvaliteten i dei kommunale vassverka er god. Bilete er tatt ved Etnesjøen vassverk som snart skal rustast opp for fleire millionar kroner.
FOTO: TORSTEIN TYSVÆR NYMOEN
— God kvalitet på drikkevatnet
Over 20 offentlege og private vassverk leverer drikkevatn til kundar i Grannar-distriktet. Mattilsynet meiner kvaliteten jamt over er god.
Over 2.000 personar har vore sjuke, over 60 av dei innlagde på sjukehus, etter å ha blitt smitta gjennom drikkevatn i Askøy kommune. I Grannar-distriktet er det mange år sidan sist nokon måtte koke vatnet.
Mattilsynet si avdeling for Sunnhordland og Haugalandet fører tilsyn med til saman 20 kommunale og private vassverka som forsyner dei fleste innbyggarane i Grannar-distriktet med drikkevatn.
— Grovt vurdert meiner vi at tilstanden i vassverka generelt er god. Kompetansen ved vassverka er god og det er stort fokus på utbetring, seier seniorinspektør Åshild Skeie.
